نیت کی فضیلت و اہمیت قرآن و حدیث کی روشنی میں

کلام: قصیدہ در شان منیر شریف
شاعر: پروفیسر شمس الدین احمد شمسؔ منیری

در ِکرامت و اعجاز ہے منیر شریف
حریم جلوہ گہِ راز ہے منیر شریف

دیار شوق میں وہ اولیں صداے اذاں
ہنوز گوش بر آواز ہے منیر شریف

موحدوں کی وہ مشرق میں پہلی جولاں گٙہ
نشان راہ تگ و تاز ہے منیر شریف

زمین گنج شہیداں ہے آج تک گل پوش
یہ کس کے خون سے گل باز ہے منیر شریف

جناب ِمومنِ عارف کے نورِ ایماں سے
نگاہِ شوق میں ممتاز ہے منیر شریف

شیوعِ دین بدستِ امام تاج فقیہ
اسی کا نقطۂ آغاز ہے منیر شریف

اسی میں دفن ہیں مخدوم احمدِ یحییٰ
اسی سے مایۂ صدناز ہے منیر شریف

اسی کی خاک سے اٹھے تھے شیخ شرف الدین
اسی شرف سے سر افراز ہے منیر شریف

یہیں تھا مدرسۂ دینِ شیخ رکن الدین
انھیں کے سوز سے دم ساز ہے منیر شریف

یہیں ہے درگہِ مخدوم شاہ دولت بھی
انھیں کے فیض کا غمّاز ہے منیر شریف

جناب صوفی و شمسؔ ِحزیں کے نغموں سے
حریفِ دہلی و شیراز ہے منیر شریف

(ماخوذ از شعراے منیر اور ان کی شاعری، تالیف: ناصرؔ منیری)